Aaj Kal Ka Jihad...Jihad Nahi Fasaad

AAJ KAL KA JIHAD JIHAD HAI HI NAHI

Humare NABI ﷺ or SAHABA ke daor me jitne jihad huwe un sab ke sab jihad me ek usool jise aap aaj bhi kitabo me padh sakte h ke kisi bhi jung me MUSALMAN FAOJ sirf aur sirf DUSRI FAOJO se lada karti thi.......

wo bhi khullam khulla AAMNE SAAMNE... na ke DHOKE SE ACHANAK... aur puri islamic histry me EK BHI AAM SHEHRI (Civilian) ko kabhi bhi nahi mara gaya h Q ke wo begunah h aur BE GUNAH KA QATL TO DUR KI BAAT BE GUNAH KO PARESHAN BHI KARNA ISLAM ME HARAAM (yani jahannami kaam) hai.........

To un musalmano se mai puchhna chahta hu jo aj kal ke is FASADYO ko JIHADI kehte hai...... Ke

Kya ye ISIS, TALIBAN, LASKARE TAIBA, HISBUL MUJAHIDEEN wagera wagera koi bhi kya kisi bhi MULK ki FAOJ ke AAMNE SAAMNE aa kar ladte hai???.........

To zaahir si baat hai bilkul nahi balke ye to faoj se ladte hi nahi aamne saamne ki baat to chhodye.....

Balke islami usool ke bilkil khilaf DHOKE SE or AAM SHEHRIYO (civilians) ko maarte h.......

To ab Aap khud hi sochye ke islam ki nazar me ye JIHAD huwa ya FASAD??? to jawab saaf hai ke ye FASAD HI HAI.

ab aiye in fasadyo ke bare me islam kya kehta hai dekhte h......

1, Jisne kisi JAAN (begunah insan) ko QATL kiya usne aisa kaam kiya ke samjho usne puri dunya ke logo ka qatl kiya aur jisne kisi JAAN ko qatl hone se BACHA LIYA usne aisa kaam kiya ke samjho usne puri dunya ke logo ko bacha liya.
>sure ma'idah ayat no.32

Is ayat se saaf zahir hai ke aaj kal ke in fasadiyo ko quran konsa darja de raha h. Ye kaam kitna bada gunah h is ayat me bata diya gaya.

Ab aiye hadeese paak me dekhte hai ke in islam ka naam use kar ke dehshat gardi karne walo ka kya anjaam bataya gaya hai hadees me.....

Hadees Shareef

2, humare NABI MUHAMMAD ﷺ ne ek martaba SAHABA se farmaya ke........

ae mere sahaba 7 GUNAH aise hai jo insan ko (deen or dunya dono me) BARBAAD kar denge(yani insan dunya me bhi bura rahega or akhirat me bhi allah use jahannam me zarur daalega)......

Sahaba ne puchha yavRASOOL ALLAH ﷺ wo 7 JAHANNAMI KAAM kon kon se hai???

Pyare Rasool ﷺ ne wo gunah ginae jisme se ek ye tha👇🏼👇🏼👇🏼

KISI BE GUNAH INSAN KO QATL KARNA.
>bukhari shareef

3, ek martaba Pyare Nabi ﷺ ne QAYAMAT ki buri NISHANYO ko bayan karte huwe farmaya ke......

Ae logo wo zamana qareeb ho jaega jab nek amal kam ho jaenge,
naye naye fitne zaahir honge,
kanjusi badh jaegi,
QATL bahot kasrat se honge.
>bukhari shareef

Note: wo log zara sochye thande dil se k wo kaisa bura kaam kar rahe hai jo logo ko bina waje qatl kar rahe hai wo to khud qayamat ki buri nishani ban kar reh gae hai.......

Toba kijye aise gunaho se mera rab bakhshne wala maherban hai.

4, Pyare NABI ﷺ ne ek martaba or qayamat ki nishani bayan karte huwe farmaya tha ke....

Qayamat se pehle aise din aenge ke logo ke bich se ilm uthta jaega, loog jaahil hote jaenge (or fir) BE GUNAHO KE QATL HONGE.

>muslim shareef.

5, HUZOOR ﷺ ne ek martaba sahaba ke darmiyan ek baat kahi ke.....

Ae logo mere baadc(yani meri wafat/inteqal ke bad) KAAFIR NA BAN JANA......

Sahaba ye sochte huwe Huzoor ﷺ ko dekhne lage ke Huzoor ﷺ konse kufr ke bare me keh rahe hai?

To Huzoor ﷺ ne farmaya ke mere baad kufr na kar baithna ke EK DUSRE KA QATL KARNE LAGO.

NOTE: zara is hadees pe gaor kijye wo log jo in jaahil fasadyo ke chakkar me pad rahe hai. Ye fasadi log naw-jawano ko samjhate hai ke Jo jitne logo ko maare ga utna pakka musalman or utna pakka jannati hoga....

Lekin Humare NABI ﷺ farmate hai ke jo kisi ko maarega WO TO JAAHIL hai aur KAAFIR BHI HO JAE......

Kyu ki farmaya jihalat aegi tab qatl karenge or qatl karenge tab kufr hoga.....
or sab musalman jante hai ke kufr karna yani jahannam me jana ab khud hi sochye anjam kya hoga.


Ye to tha qatl karne ke bare me or bhi ek chiz aj kal fasadi kerte hai wo hai BE REHMI Q ke....
ek insan hota hai jo gusse me kisi jawan se jhagda karta hai use marta hai ya uske haatho se khud mara jaata hai lekin har rahem dil insan har mazhab ke budhe(old age) or bacho pe rahem or pyar karta h....
Q ke har mazhab har samaj me budhe izzat or rahem ke laik...
or bache pyar ke laik maane jaate hai....

Lekin aaj kal fasadi fasad karte waqt ye bhi ni dekhte ke wo kisi budhe ko maar rahe hai ya bache ko sab ko apni be rehmi ka shikar banate hai lekin humare nabi kya farmate hai aiye dekhye.....

6, RASOOL-e-KAREEM ﷺ ne saaf saaf baat farmae ke........

wo SHAKHS MUSALMAN NAHI hai jo BACHO PAR RAHEM NAHI KARTA HO or budhho ke haq nahi pehchanta ho (yani izzat or rahem budho ka haq hai use pehchano warna aap muslim nahi ho sakte)
>al adabul mufrad


7, ek martaba humare SACHHE NABI ﷺ ne bure waqt ki khabar dete huwe irshad farmaya tha ke.....

Us zaat ki qasam jiske qabze me muhammad ki jaan hai.... logo par ek zamana aisa aega ke QATL honge.

Lekin qatl hone wale ko malum hi nahi hoga ke uska QATL Q kiya gaya.....
Or qatl karne wale ko bhi pata nahi hoga ke usne qatl Q kiya.
>muslim shareef

My thought: Meri zaati soch ye hai ke wo zamana jo humare Nabi ﷺ ne farmaya wo yehi hai....

Q ke aaj jitne log mar rahe hai in fasadyo ke hatho kisi ko khabar hi nahi ke wo Q maare gae....
or jo log maar rahe hai usme zyada tar wo jawan shamil kiye jaate hai jo ke islam ki sahi samajh hi nahi rakhte or fir unhe behka phusla kar jihadi(fasadi) banaya jata hai to khulasa ye ke wo qatl karne wale bhi nahi jante ke wo Q qatl kar rahe hai.

8, hazrat ABU HURAIRAH razi allahu anhu farmate hai ke......

agar dunya me kisi ne ek bhi BE GUNAH ka QATL kiya hoga to kal qayamat ke din use saza ye hogi ke.....

Usne dunya me be gunah ka qatl karne ke liye jo HATHYAR istemal kiya hoga......
usi hathyar se use 1000 martaba ZAKHM DIYA JAEGA tab ja ke use ek martaba maot aegi....

lekin use firse zinda kiya jaega or fir se 1000 zakhm maare jaenge fir maot aegi.....

Yani aisa hi har bar 1000 zakhmo ke sath 1000 martaba maot di jaegi.
>musnaf ibn abi shaibah

Allahu Akbar...kitna bada azab hoga ye zara soch ke dekhye.
*******************************

Ye to tha MUSLIM & NON MUSLIM sab ke liye.....
Par ab kuch hadeese khas musalmano ko maarne par bhi padh lijye......

NOTE: Ye chapter shuru karne se pehle mai sabhi readers ko batana zaruri samajhta hu......
ho sakta hai apko na pata ho lekin aaj jitne non muslim in fasadyo se pareshan usse ZYADA muslim khud hi inse pareshan hai.

9, quran me ALLAH KAREEM ne irshad farmaya ke.....

Koi musalman kisi musalman ka be gunah QATL kare to allah use MUDDATO TAK JAHANNAM HI ME RAKHEGA.... Or us par ALLAH KA GAZAB HOGA or us par ALLAH KI LAANAT(phitkaar) hai or ALLAH ne uske liye BAHOT BADA AZAAB TAYYAR RAKHA HAI.

10, HUZOOR NABI-E-PAAK ﷺ ne farmaya ke......

Allah ke zaat ki qasam jiske qabzae qudrat me meri jaan hai ALLAH ke nazdeek kisi ek MOMIN ka QATL puri dunya ke ZAWAL(barbadi) se badh kar hai.
>shobul eiman

11, sari dunya ke liye rehmat NABI MUHAMMAD ﷺ ne farmaya ke.....

allah ki REHMAT se ummid hai ke wo har gunah muaf farma dega lekin do GUNAH NAHI...
1)shirk
2)KISI MUSALMAN KA QATL.
>ABU DAUD

Talib-e-Dua: Imtesal Razvi Shafaee

GAALIYA DENA HADEES KI RAOSHNI ME

NABI-e PAAK ﷺ ne farmaya ke "HAR GIZ(yani kisi bhi haal me) kisi ko GAALI MAT DO." (abu dawood)

2, NABI-e-KAREEM ﷺ ne ek martaba SAHABA se farmaya ke "wo shakhs bahot BADA GUNAH karta h jo APNE WALIDAIN(maa baap) ko GAALI deta h"

Is baat ko sun kar sahaba ne hairat se puchha: "ya RASOOL ALLAH ﷺ bhala kaon insan apne maa baap ko gaali dega?"

Humare nabi ﷺ ne jawab me irshad farmaya: "Agar koi shakhs kisi ke maa baap ko gaali de to ye aisa hi hai ke USNE APNE HI MAA BAAP KO GAALI DI. allahu akbar. (bukhari shareef)

3, HUZOOR ﷺ ne irshad farmaya ke "Jisne MAA BAAP ko GAALI DIYA uske sar par jahanaam me itni zyada aag barsai jaegi jitni ke zameen par baarish barsai jaati hai". allahu akbar. (muslim shareef)

4, HUZOOR REHMAT-e-AALAM ﷺ ne farmaya ke "Kisi musalman ko GAALI DENA FISQ h (yani be deeni ki baat h)" (bukhari shareef)

5, HUZOOR ﷺ ne farmaya ke "2 log jab aapas me gaali galoch karte h to DONO ka gunah us shakhs par hota hai JISNE GAALI DENA PEHLE SHURU KIYA THA." allhu akbar. (Muslim shareef)

6, RAB ke PYARE RASOOL ﷺ ne farmaya ke "banda zaban se ek baat keh deta hai or sochta nahi ke wo baat kitni kufr ya kitni buri lagne wali (GAALI) hai... Fir usi baat ki wajah se banda JAHANNAM ki gehraai me itna andar kir jata h jitna ke mashriq se magrib door h(yani jitna ke dunya ke ek kone se dusra kona door h)." allhu akbar. (bukhari shareef)

7, MADNI RASOOL ﷺ ne farmaya ke "Qayamat ke din ALLAH ki nazar me bad-tareen insan wo hoga Jiski bad-zabani (yani GAALI GALOCH) ki wajah se dunya me log usse door bhaagte ho." allahu akbar. (bukhari shareef)

8, kainat me SABSE AZEEM HASTI janab-e MUHAMMAD-UR RASOOL ALLAH ﷺ ne irshad farmaya ke "Beshak wo bahot bura insan hai jiski bad zubani(GAALI GALOCH se bachne ke liye log uski izzat karte ho." (abu dawood)

9, MERE NABI ﷺ irshad farmate hai ke "jo aurat apne SHOHAR se bad- zabani karti(yani gali galoch ya kisi bhi tarha ka bura bhala kehti) ho, allah us aorat ki NEKI QABOOL NAHI FARMATA." allahu akbar. (tehzeebul islam)

10, PYARE MADNI AAQA ﷺ ne ek martaba MUNAFIQ ki NISHANI bayan karte huwe farmaya ke "MUNAFIQ (yani zaban se khud ko musalman kehne wala magar dil se musalman na ho aise logo ki) NISHANI ye hai ke wo ladai (fight) karenge to GAALI GALOCH par utar aenge." (bukhari shareef)

11, DO JAHANO ke TAAJ WAALE NABI ﷺ ne MOMIN (yani dil se pakke musalman) ki NISHANI bayan karte huwe farmaya ke:"MOMIN kabhi GAALI GALOCH karne wala nahi ho sakta." subhana allah. (tirmizi shareef)

12, ALLAH ke MEHBOOB ﷺ ne farmaya ke "Gaaliya dene wala halakat or barbadi ke bilkul qareeb hai." allahu akbar. (tibrani)

13, ek martaba ek shakhs MUSTAFA JAAN-e REHMAT ﷺ ki baargah me haazir ho kar arz kiya: Ya RASOOL ALLAH ﷺ mujhe kuchh wasiyat farmaiye
HUZOOR ﷺ ne farmaya: "KABHI KISI CHIZ KO GAALI MAT DENA." (musnad aehmad)


Taalib-e-Dua: Imtesal Razvi Shafaee

Mere Rasool ﷺ Murde bhi Jilate The

hadees e paak me aata hai ke HUZOOR ﷺ ne ek shakhs ko islam qabool karne ki daawat di...

To usne kaha mai qabool nahi karunga...

Huzoor ﷺ ne daryaft farmaya(puchha) KIYUN NAHI KAROGE (kya koi aisi baat hai jo tumhari liye NAMUMKIN ho or mai use kar ke dikha du to tum eiman le ao or musalman ban jao???)

To us shakhs ne kaha ke agar tum sache nabi ho to mujhe MOJZA DIKHAO...

HUZOOR ﷺ ne daryaft farmaya ke kya mojza dekhna chahte ho???

Us shakhs ne kaha ke meri BETI ka kuch dino pehle intiqal ho chuka hai use dafnaya gaya hai kya....

to ae MUHAMMAD ﷺ agar tum meri murda beti ko firse zinda kar ke dikha do to mai musalman ho jaunga...

Huzoor ﷺ ne farmaya thik hai chalo mujhe apni bachi ki qabr par le chalo...

Sab qabr k pas pahonche aur huzoor ﷺ ne qabr ki taraf dekha or us bachi ko uske naam se awaz di...

To qabr me se bachi ne pukar kar kaha ya RASOOL ALLAH ﷺ MAI HAAZIR HU aur ya rasool ﷺgawahi deti hu ke dunya ki saari SA'ADATE AAPKE LIYE hai.

fir NABI PAAK ﷺ ne farmaya: ae bachi kya tu dunya me wapas ana chahti hai???

To bachi ne qabr me se pukar kar kaha... ya RASOOL ALLAH ﷺ.....

KHUDA KI QASAM maine Allah ko apne haqq me apne maa baap se behtar or aakhirat ko dunya se behtar paya hai... Lihaza mai dunya me wapas aana nahi chahti. (Subhan allah) (Qustalani & zarqani⁠⁠)

Ek martaba Nabi-e-Rehmat ﷺ ko hazrat Jaabir razi allahu anhu ne apne ghar par khane ki dawat di. Mere NABI ﷺ use qabool farmaya aur hazrat Jaabir ke ghar pahonche to hazrat Jaabir ne request ki ke: Ya RASOOL ALLAH ﷺ aap ko dawat me BAKRA khilana hai, lihaza HUZOOR ﷺ aap hi apne mubarak hatho se wo bakra ZABAH farma dijye.

Humare pyare AAQA ﷺ ne chhuri haath me li or bakra zabah kiye us ke baad HUZOOR ﷺ hazrat Jaabir ke ghar me aa kar baith gae aur bahar fir hazrat Jaabir ki aehliya us bakre k gosht ko pakane me lag gain.

Lekin hazrat Jaabir ke do BACHE (2 ladke jo abhi chhote the) wo bakre ko zabah karte dekh kar use ek tarha ka khel(game) samajh kar khud bhi wo khelne chale gae.

Ek bacha bakra bana aur dusre ne usko giraya aur uski gardan par chhuri chala di. ALLAHU AKBAR. fir kya tha bache ki SHEH RAG KAT GAI aur bacha wahin tadap tadap kar INTIQAL ho gaya.

Ab jab chhuri chalane wale dusre bache ko ehsas huwa k shayad koi galati ho gai h aito use kuch sujhai na diya aur wo apne ghar ki chhat par chadh kar kood gaya aur usne bhi apne jaan gawan di yani hazrat Jaabir ke dono bache FAOT ho gaye.

Jab bacho ki MAA bahar nikli aur dono bacho ko murda dekhin to, Maa thi kya karti.

ALLAHU AKBAR kaisa imtehan tha ye Allah ka ke ghar me ALLAH ke MEHBOOB ﷺ ki dawat hai jis dawat ka intizam is maa ko hi karna hai aur us maa ke Ek(1) nahi Do(2) masoom bache faot ho gae.

Akhir kaar maa ne ALLAH ki bargah me is imtihan me PASS hone ki thaani aur ye soch kar ke ye khabar agar kisi ko bhi pata chali to gam ka mahool chha jaega aur Rasool-e-Aazam ﷺ ki dawat me khalal aajaega. Is khayal se is maa ne bacho ke abbu yani hazrat Jaabir ko bhi nahi bataya.

Aur chupke se dono bacho ki LAASH (dead body) ko kapde me lapet kar chhupa diya aur khud khana pakane me lag gayi.

Fir jab khana tayyar huwa to hazrat Jaabir ko awaz di. Hazrat Jaabir ne Pyare NABI ﷺ ke saamne khana parosa.

Abhi khana laga rahe the ke RASOOL ULLAH ﷺ ne puchh liya "Ae JAABIR, TUMHARE BACHE KAHA HAI?" Hazrat Jaabir apni bivi ke pas gaye aur puchha dono bache kaha hai? RASOOL ULLAH ﷺ puchh rahe hai.

Haaaaaaaiiiiii kya guzra hoga us maa ke kaleje par dil to chaha hoga ke shohar ke daman ko lipat kar phoot phoot kar roe. Magar fir wohi khayal aya ke mere rasool ki dawat na kharab ho jae is khayal se kehne lagin. bache hai kahi khelne gae honge bahar.

Oyyyy hooooyyyy kya muhabbat thi apne RASOOL ﷺ se.........

Khair... hz,jabir HUZOOR ﷺ ke pas pohche aur wohi kaha k bache khelne gae honge aa jaenge ya RASOOL ALLAH ﷺ aap khana tanaul farmaiye.......

Mere rab pe mai qurban.... ALLAH ne usi waqt apne Rasool ﷺ ko hukm bheja "ae MERE MEHBOOB ﷺ tab tak ek luqma bhi NA khana jab tak bache na aa jae." hz,jaabir ko allah ke nabi ﷺ ne ye hukme khudawand suna diye......

hz,jaabir dobara apni aehliya ke paas ponhche or kaha ke jao bacho ko dhoond kar le kar lao unke bigaer Huzoor ﷺ khana nahi kahenge........

Ab hz,jaabir ki aehliya roone lagi aur roote roote sara majra (qissa) sunaya or bacho ki laashe dikhai....

bacho ki laashe le kar hz,jaabir bhi roote huwe Huzoor ﷺ ke paas ponhche aur bacho ki laasho ko saamne rakh diya. Hamare Pyaare  Rasool ﷺ ne dekha to aapne faoran apne rab ki bargah me haath uthae aur duwa farmai aur apna pyare pyare haatho ko bacho ki laasho par pherne lage.

Abhi MUSTAFA JAAN-e-REHMAT ﷺ ke haath lage hi the ke dekhte hi dekhte dono bacho me DOBARA JAAN BHI LAOT AI or UNKE ZAKHM BHI THIK HO GAE. Subhan Allah.

(mishkat shareef)

Taalib-e-Dua: Imtesal Razvi Shafaee

Noorani Nabi ﷺ

HUZOOR ﷺ KA KHUBSOORAT CHEHRA

1, hazrat abu hurairah razi allhu anhu farmate hai ke...

HUZOOR ﷺ ka rang itna ZYADA GORA tha ke lagta tha HUZOOR ﷺ ka jism mubarak CHAANDI ME DHAAL KAR BANAYA GAYA HO. subhan allah

(tirmizi shareef)

2, hazrat ka'ab bin maalik razi allahu anhu farmate hai ke...

HUZOOR ﷺ jab KHUSH hote to huzoor ﷺ ka chehra mubarak aisa lagta tha jaise CHAAND KA TUKDA. subhan allah

(bukhari shareef)

3, hazrat abu hurairah razi allahu maola farmate hai ke....

Maine HUZOOR ﷺ se ZYADA KHOOBSURAT DUNYA ME KISIKO NAHI DEKHA unke chehre ko dekh kar aisa lagta tha ke HUZOOR ﷺ ke CHEHRE me CHAAND CHAL RAHA HO. subhan allah

(tirmizi shareef)

4, hazrat ibne abbas razi allahu ta'aala farmate hai ke....

HZOOR e PAAK ﷺ ka SAAYA (shadow) NAHI THA kiyun ke Huzoor jab bhi kisi CHIRAG (deeya) ya SOORAJ ke saamne khade hote to HUZOOR ﷺ ka NOOR (raoshni) chirag or sooraj ki RAOSHNI PAR GAALIB AA JATA. subhan allah

(zarqaani)

5, hazrat anas bin maalik razi allahu anhu farmate hai ke....

HUZOOR NABI e KAREEM ﷺ ka rang mubarak BAHOT SAAF GOORA THA isi liye jab HUZOOR ﷺ ke CHEHRE par PASEENA AATA to wo paseene ki boonde bilkul MOTI KI TARHA CHAMAKTI THI. subhan allah

(muslim shareef)

6, HUZOOR ﷺ ki sabse chhoti or chahiti zavjah (bivi) or hum tamam musalmano ki MAA hazrat AISHA razi allhu anha farmati hain ke

Ek martaba maine HUZOOR RASOOL e REHMAT ﷺ ko dekha ke HUZOOR ﷺ ki PESHANI mubarak par paseena aa raha tha or us paseene ki boondo se NOOR ki KIRAN (ujala) PHOOT RAHI THI. subhan allah

(khaatib)

7, momino ki maa hazrat aisha (radhi'alla ta'ala anha) farmati hain ke....

Huzoor ﷺ ke noor ka ujala kuch aisa hota tha ke mai...

Andheri raat me bina chirag ke sirf huzoor ﷺ ki noor ki raoshni me sui (needle) me dhaga pura leti thi.  Subhan allah

(shara shifa)

8, hazrat ali murtuza irshad farmate hai ke...

Jab kabhi bhi NABI e AKRAM ﷺ kuch irshad farmate the to HUZOOR ﷺ ke mubarak DAANTO ke bich se noor ki raoshniya phoot-ti thi. subhan allah (mawahubul ladunyah)

9, hazrat Hind bin abi haala razi allahu anhu irshad farmate hai ke....

HUZOOR ﷺ ka CHEHRA chaodhwi ke CHAAND ki tarha SUHANA THA. subhan allah.
(shamaail tirmizi)

10, Ek sahabi ke bete ne ek dusre sahabi hazrat mu'aaz bin ufra se puchha.

HUZOOR ﷺ kaise dikhte the??? Wo sahabi e rasool ne jawab me farmaya ke bete suno jab Allah ke Rasool ﷺ hamare saamne aate the tab ka manzar kuch aisa SUHANA hota tha ke..

HUZOOR ﷺ ko dekh kar lagta tha ke jaise SUBHA ka SOORAJ UGG (nikal) raha hai. subhan allah

(daarmi)

11, hazrat jaabir bin samrah razi allahu anhu farmate hai ke....

Ek martaba maine CHANDNI RAAT me huzoor ﷺ ki bargah me haazir tha or us din chand chawdhwi ka tha (yani chand pura tha) to mai KABHI CHAAND KO DEKHTA or KABHI HUZOOR KO DEKHTA or isi tarha bar bar dekhte huwe ye faisla karne ki kosish karta tha ke chaand or huzoor ﷺ me khoobsurat kaon hai???

Fir aakhir meri nazro ne ye faisla kiya ke mere NABI ﷺ CHAAND SE BHI KHOOBSURAT hai. subhan allah

(tirmizi & daarmi)

12, hazrat abu huraira razi allahu ta'aala farmate hai ke: Maine dunya me koi bhi chiz HUZOOR ﷺ se khubsoorat nahi dekhi, huzoor ﷺ ko dekh kar aisa lagta tha ke HUZOOR ﷺ ke CHEHRE me SOORAJ TAYER (swim) RAHA ho. subhan allah

Taalib-e-Dua: Imtesal Razvi Shafaee

ISLAM aur EIMAN

Hadees-e-Jibrail: Hazrat Umar razi allahu anhu ne farmaya "ek din hum (yani sahaba) NABI PAAK  ﷺ ki khudmat me hazir the k achanak ek aadmi haazir huwa jise hum sahaba me se koi nahi janta tha (yani wo us ilaqe ka nahi tha pehli baar nazar aya tha) aur na hi uske badan par koi safar ki nashani thi aur uske kapde bahot safed the aur baal nihayat kaale the (yani uske kapde aur baal me koi dhool mitti wagera nahi thi k jise dekh kar lagta ke ye kahin door se safar kar ke aya h).

wo NABI PAAK ﷺ ke saamne ja kar do zaanu (yani jis tarha namaz ke tashah hud me bathte h waise) baith gaya aur apne guthne HUZOOR ﷺ ke guthno se mila diye aur apne dono haath apni raano (maandi) par rakh liye (jaise tashah hud me rakhte h) aur fir arz ki(puchha).

YA MUHAMMAH ﷺ MUJHE ISLAM SAMJHAIYE ke islam kya hai?

Huzoor ﷺ ne jawab me farmaya- islam ye hai ke tum in baato ko mano.

1, gawahi do ke ALLAH KE SIWA KOI IBADAT KE LAIQ NAHI or MUHAMMAD ﷺ ALLAH KE RASOOL HAIN
2, NAMAZ PADHO
3, ZAKAT DO
4, RAMZAN KE ROZE RAKHO
5, Aur jab istetat (haisyat) ho HAJJ KARO

us shakhs ne ye sun kar (is andaz me ke pehle se ye sab janta tha) huzoor se arz kiya YA RASOOL ALLAH ﷺ AAPNE SACH KAHA.

hazrat umar farmate h hume ta'ajjub huwa ke ye shakhs khud hi sawal karta h aur khud hi tasdik karta h (jaisa k pehle se janta tha k jawab kya h).

Phir us shakhs ne dobara huzoor ﷺ se puchha k.

YA MUHAMMAD ﷺ imaan ke bare me bhi samjhaiye?

Huzoor ﷺ ne farmaya: eimn in baato ko dil se manne ko kehte h.
1, ALLAH par YAQEEN rakho.
2, allah ke TAMAM AMBIYA par yaqeen rakho.
3, allah ki utaari huwi TAMAM KITABON par yaqeen rakho.
4, allah ke TAMAM FIRISHTON par yaqeen rakho.
5, QAYAMAT ke DIN par yaqeen rakho.
6, ACHHI or BURI TAQDEER (qismat) par yaqeen rakho.

Phir wo shakhs huzoor ﷺ se rukhsati le kar chala gaya.

Uske jaane k bad sahaba ikraam ne huzoor se puchha YA RASOOL ALLAH ﷺ ye kon shakhs tha?

Huzoor ﷺ ne farmaya: ye allah k muqarrab or firishto k sardar HAZRAT JIBRAEEL alaihis salaam the or wo yaha TUMHE TUMHARA DEEN SAMJHANE AE THE. Subhan'Allah.

*** Muslim Shareef ***

Talib-e-Dua: Imtesal Razvi Shafaee